صبح ومسا

بقلم: عصام خوري

2003dream-993984_960_720.jpg

بحلم بأرض تعرف زرع
بحلم بزرع يعشق بشر
ضاج المطر… ذوب ثلج
بحلم بولد بكير يرّجف خطر

وين العيد وين المطر
أنت بعيد هاج السفر
بطاقة عيد كرت أسف
شوية ورد منقوش
على الورق..
بدي الورد يلمس
وجه… شعر الشمس
ينشف جفني بشوية
ندى… يزلزل صدري بالعطر
يطوق شفافي ويقلي
بعد…
ويل البعد شو خلق حلم
كبير… ما يعرف بعد.
طير وطير ما ألمس سما
أنت السما… غنيلي  تيموج
الحلا… وأقلك صلا
ترنيمة دفا، برعم عاش
بصوت الهنا.
ازرعيني بذرة بأرض السما
طفل صغير… صدر كبير
حليب وخير وربيع
شباط بآذار… زرع مطر
نبت حشيش أخضر ونرجيل
إبريل وكاس نبيذ
فصح مجيد… فستان جديد
قصير كثير… طول الحشيش
ورد وزعفران… زعتر وكمون
شلح كبوت… لبس شمس.
كل النور كل الهدا… كردينيا وفلّ
أتّوج عروس بالحب أتّوج
قلوب وتبخر بخور بكنيسة
مليانة هموم
دف وعود وجيد ممشوق
يهز يروح… يرجع مشدود
نظر مبهور… وصوت مكسور
ينده مثل التنور
بوجعه يرقص بخور
وبدمو يشبع عجينه تتصير
رغيف.
مسكني بعد يا ليل ما تسرق
الجفن عطشان للحلم
سكران أنا عايش وهم
قهوة الصبح تقلي دوب
بأرض… دوب ببشر
تتحلم بالسكر لحظة
مسا
أنا الصبح كابوس المسا

 

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s